به گزارش هفت چشمه، وحيدکيانيان از شاعران معروف و برجسته ي روستاي ارجل از توابع شهرستان اردل مي باشد.
چي دِهاته منده پس سد ،بي گُدار آبيدمه
پير تِهنايم،که مندير زوار آبيدمه
مينه مالي که همه هوفِشت کيوون ايکُنن
گاگِرو خُون پا مزار هر کُنار آبيدمه
زرده کوهم ،چل ستينه لارمه توو وَربِرشت
شاهدِ چُهمستنِ زحم ِ کَلار آبيدمه
دا فقيرم شو اِخونم ايگو بوتون هي اِيا
بو نويده خو ابينم بي بِرار آبيدمه
جوره دالويي که دُحدَر آخريسن خُون برَن
مِن عروسي وُر غم تهلي دچار آبيدمه
غم به دينم وسته ار سيلس کنم گيرم وَنه
غم علو بي رحمه و مم کوگ تار آبيدمه
چي پلنگ گرده کنده مينه خُم پيت ايخورم
سيرم از دنياي خُم بس تهله خار آبيدمه
صحو زي با ميل و حنده ري به ري مرگ ايروم
خان چالنگم که سي سر ري به دار آبيدمه
وحيد کيانيان
انتهاي پيام/
کانال تلگرام پايگاه خبري تحليلي هفت چشمه اردل